गैरआवासीय नेपाली संघका पंजिकृत सदस्यहरुलाई सहुलियत दिने बारे गैरआवासीय नेपाली संघ र स्वर्णिम बुटिक होटल प्रालि वीच एक सहमती पत्रमा हस्ताक्षर भएको छ । गैरआवासीय नेपाली संघका उपाध्यक्ष सपीला राजभण्डारीको समुपस्थितिमा भएको सहमति पत्र अनुसार स्वर्णिम बुटिक होटल प्रालिले गैरआवासीय नेपाली संघको परिचय पत्र प्राप्त पंजिकृत सदस्यहरुलाई होटेल र बारको बिलमा १५ प्रतिशत र बस्ने कोठामा २० प्रतिशत सम्म छुट दिने भएको छ ।
सहमति पत्रमा संघको तर्फबाट प्रमुख कार्यकारी अधिकृत हेमन्त दवाडी र स्वर्णिम बुटिक होटल प्रालिका प्रबन्ध निर्देशक संदेश श्रेष्ठले हस्ताक्षर गर्नु भएको थियो । समारोहमा काठमाडौंमा रहनु भएका गैरआवासीय नेपालीहरु तथा बुटिक होटलका प्रतिनिधिहरुको उपस्थिति रहेको थियो ।